சிலப்பதிகாரம்

புத்தகச் சந்தை-2012, கொஞ்சம் சுய விளம்பரம்

என்னதான் உபயோகமான கருத்துக்களைக் கொண்டிருந்தாலும், சுய முன்னேற்ற நூல்கள் என்றால் சிலருக்கு அலர்ஜி. அவர்களுக்கும் கருத்துக்கள் போய்ச் சேர வேண்டுமே, என்ன செய்வது?

 அதை ஒரு நாவல் வடிவத்தில் எழுதி விட்டால் போயிற்று!

 கதை நகர்ந்து கொண்டே இருக்கும். கதையினூடே சுய முன்னேற்றக் கருத்துக்களும் வந்து கொண்டிருக்கும். ஆங்காங்கே சின்ன குட்டிக கதைகள், சில நகைச்சுவைத் துணுக்குகள்.

 போதாதா சுவாரஸ்யத்திற்கு?

 ஐம்பெருங் காப்பியங்களில் ஒன்றான சிலப்பதிகாரம் தமிழர்களின் பெருமிதங்களில் ஒன்று. அதைப் படிக்கிற ஆசை இருந்தாலும் சில பயங்கள். அந்த இலக்கண, இலக்கிய நடை புரியுமா? பக்கத்தில் அகராதி வைத்துக் கொண்டே படிக்க வேண்டுமா? ஏகப்பட்ட பக்கங்கள் இருக்குமே, எப்படிப் பொறுமையாகப் படிப்பது? சுவாரஸ்யமாக இருக்குமா?

 கவலையை விடுங்கள்.

 எளிய நடை. பள்ளிக்கூடப் பையனுக்குக் கூடப் புரியும். ஒன்றன் பின் ஒன்றாக சம்பவங்கள், விறுவிறுப்பகப் போய்க் கொண்டே இருக்கும். மொத்தம் 130 பக்கங்கள்தான். முழு சிலப்பதிகாரமும் சுவாரஸ்யமான நாவலாக… ரூ.80/= க்கு.

 திருக்குறள் உரைகள் படித்துச் சலித்திருப்பீர்கள்.

 ஒவ்வொரு குறளாக, அதற்கு அர்த்தமாக…. இப்படித் தனித் தனியாகப் படித்தால் சொல்லப்பட்ட கருத்து என்ன என்று எப்படித் தெரிந்து கொள்வது?

 ஒவ்வொரு அதிகாரத்தையும் தொகுத்து ஒரு கட்டுரை. அந்த அதிகாரத்தில் சொல்லப்பட்டுள்ள கருத்துக்களின் கோர்வையாக. விலை ரூ.160/=

 ஜென் கதைகள் கேள்விப்பட்டிருப்பீர்கள்.

 ஆனால் ஒவ்வொரு கதையும் என்ன நீதியைச் சொல்கிறது என்பது பல கதைகளில் புதிராக இருக்கும். அந்த நீதியைச் சுருக்கமாக, சுவையாக சில சமயம் நகைச்சுவையாகச் சொல்லி எழுதப்பட்ட கதைகள். ஜென்னை முழுதாகப் புரிந்து கொள்ள மிகச் சிறந்த புத்தகம்.

 கதைகளின் வழியே ஜென். விலை ரூ.115/=

 மேற்சொன்ன எல்லாப் புத்தகங்களும் புத்தகச் சந்தையில் F-7, கிழக்கு பதிப்பகத்தின் ஸ்டாலில் கிடைக்கும்.

Advertisements

அநீதியா? காலில் இருப்பதைக் கழற்றிக் கேளுங்கள்

துக்ளக் இதழில் அந்த விளம்பரத்தைப் பார்த்ததுமே ஒரு சுவாரஸ்யம் ஏற்பட்டது.

 

‘இந்தியக் குடிமக்களாகிய நாம்’ என்று ஒரு அமைப்பு தொடங்கப்பட்டிருக்கிறது. ஊழல் மற்றும் கறுப்புப் பணம் பற்றிய ஒரு அவேர்னஸ் நிகழ்ச்சிக்கான விளம்பரம் அது. என்னைக் கவர்ந்தது அந்த டீம் காம்பொசிஷன்தான்.

 

சி.வி.சி யின் முன்னாள் தலைவர் விட்டல் ஐ.ஏ.எஸ், பொருளாதார வல்லுனர் குருமூர்த்தி, சொற்பொழிவாளர் சுகி.சிவம், ஆவணப்பட இயக்குனர்-தயாரிப்பாளர் டாக்டர்.கிருஷ்ணஸ்வாமி என்று ஒரு துல்லியமான கிராஸ் ஃபங்க்‌ஷனல் டீம்!

 

திங்கட்கிழமை மாலை. ஆறரை மணிக்கு ஆரம்பம் என்றாலும் ஆறு பத்துக்கே வாணி மஹாலில் பத்துப் பனிரெண்டு இருக்கைகளே காலியாக இருந்தன. ஆறு இருபதுக்கு எல்லா இருக்கைகளும் நிரம்பி மக்கள் ஓரத்திலும், நுழைவாயிலிலும், நடைபாதையிலும் நிற்க ஆரம்பித்தார்கள். ஆறு இருபத்தைந்திற்கே தொடங்கி விட்டார்கள். எழுத்தாளர் சிவசங்கரியும், ராமகோபாலனும் பார்வையாளர்களாக முன் வரிசையில் வந்து உட்கார்ந்தார்கள். அப்பா வேஷ சங்கரன் உள்ளிட்ட சில துணை நடிகர்கள் எளிய பார்வையாளர்களாக வந்திருந்ததைப் பார்க்க முடிந்தது. வி சப்போர்ட் அன்னா ஹாஸாரே என்று மார்பிலும் முதுகிலும் எழுதி மாட்டிக் கொண்டு வந்த சில இளைஞர்கள்!

 

விட்டல் ஐ.ஏ.எஸ் பேசும் போது சில தமிழ்ப்பதங்களுக்கு சிரமப்பட்டாலும் பெரும்பாலும் தமிழிலேயே பேசினார். புள்ளி விவரங்கள், உணர்வுகளைத் தவிர்த்து விட்டு நேரடியாக ரூட் காஸ் அனாலிஸிஸில் இறங்கி, கரெக்டிவ் ஆக்‌ஷன்களையும் தெரிவித்தார். அவர் சொன்னதில் முக்கியமானது, அரசாங்கத்தில் முக்கியப் பொறுப்புகளில் இருக்கும் முதல்நிலை அதிகாரிகளை ஒரு குறிப்பிட்ட காலத்திற்கு இடமாற்றம், சஷ்பென்ஷன் உள்ளிட்ட விஷயங்கள் செய்ய முடியாதபடி ஆர்டினன்ஸ் வரவேண்டும் என்றார். (ஆர்டினன்ஸ் என்பது சட்டத் திருத்தத்தில் இருக்கும் தடங்கல்கள் இல்லாத ஒரு வழிமுறை என்றார்- அந்த ஐ.ஏ.எஸ் ஜார்கன் எனக்குப் புரியவில்லை) அப்படி ஒருவேளை அவர்கள் மேல் நடவடிக்கை எடுக்கும் சூழல் வந்தால் சி.வி.சி யின் ஒப்புதலோடுதான் செய்கிற மாதிரியும் இருக்க வேண்டும் என்றார். சி.வி.சி க்கு தாமஸ் மாதிரி ஆசாமிகள் தலைமை ஏற்பதை எப்படித் தடுப்பது என்பதை தெளிவாக விளக்கவில்லை!

 

குருமூர்த்தி சொன்ன புள்ளி விவரங்களைக் கேட்ட போது அஸ்தியில் ஜுரம் வரும் போலிருந்தது. இன்னும் ஓரிரு நாட்களில் இந்தியப் பிரஜைகள் எல்லாரும் பிச்சை எடுக்க ஆரம்பிக்க வேண்டுமோ என்ற பயம் ஏற்பட்டது. சுவிஸ் பாங்கில் இருக்கும் இந்தியக் கறுப்புப் பணம் வந்தால் இந்தியாவின் பொருளாதார நிலை உலகின் முதல் இடத்திற்கு உயரும் என்று உறுதியாகச் சொன்னார். லஞ்சம் வாங்கவும், கறுப்புப் பணம் சேர்க்கவும் வெட்கமே இல்லாமல் போய் விட்டது என்றார். முன்காலத்தில் ஊழல் அதிகாரிகள் பிச்சைக்காரர்கள் மாதிரி அழுக்காக வருவார்கள், ஆனால் இன்றைக்கு ரைட் ராயலாக மெர்சிடிஸ் வண்டியில் போகிறார்கள் என்றார். ஆட்டோ டிரைவர்களின் நாணயம் பற்றிக் குறிப்பிட்டார். ஐந்து லட்சம் பணத்தை காவல் ஆணையரிடம் ஒப்படைத்த ஆட்டோ டிரைவர் ஒரு நாளைக்கு இரண்டு வேளை கூடச் சாப்பிட முடியாத ஏழைக் குடும்பத்தைத் தாங்கி நிற்பவர் என்றார். இப்படிப்பட்ட ஆட்டிட்ட்யூட் எளிய மக்களிடம் இருப்பதால் விழிப்புணர்ச்சியும், எழுச்சியும் உண்டாக்குவது எளிது என்றார்.

 

சுகி.சிவம் ஒரு வெடிச்சிரிப்பை அரங்கத்தில் உண்டாக்கி கலகலப்பாக ஆரம்பித்தார். ‘திட்டம் போட்டு திருடுற கூட்டம் திருடிக் கொண்டே இருக்குது, அதை சட்டம் போட்டு தடுக்கிற கூட்டம் தடுத்துக் கொண்டே இருக்குது’ என்ற பட்டுக்கோட்டை கல்யாணசுந்தரம் பாட்டைக் குறிப்பிட்டு, அவர் காலத்துல ரெண்டு கூட்டமும் வேறே வேறேயா இருந்திருக்கு என்றார். சிலப்பதிகாரத்தில் கண்ணகி காலில் இருந்த சிலம்பைக் கழற்றி அடித்ததற்கு புது விளக்கம் சொன்னார். அரசாங்கம் அநீதி இழைத்தால் பிரஜைகள் காலில் இருப்பதைக் கழற்றி கேள்வி கேட்கலாம் என்று அதற்கு விளக்கம் சொன்னார்.
சுவாரஸ்யமான, விழிப்புணர்வு தரும் நிகழ்ச்சி.

 

அமைப்பின் செயல்பாடுகளுக்கு உறுப்பினராகவோ, வெளியிலிருந்தோ நம் ஆதரவை நல்குவோம்.

 

இந்தத் தீப்பொறியை ஊதிப் பரப்பி விடுங்கள் என்று கேட்டுக் கொண்டார்கள். ஊதி விட்டுவிட்டேன். இந்தப் பதிவை வலையாசிரியர்கள் எல்லாரும் தாராளமாக அவரவர் வலையில் வெளியிடலாம், வெளியிட வேண்டும் என்று கேட்டுக் கொள்கிறேன். நம்மால் சில ஆயிரம் பேர்களுக்கு விழிப்புணர்வு ஏற்படட்டும்.

 

ஜெய்ஹிந்த்.

சிலப்பதிகாரம் என்றால் சிலப்ப அதிகாரம்!

”என்ன சார், நான் எழுதின புஸ்தகம் வரப் போகுது, வரப் போகுதுன்னு சொல்லிகிட்டிருந்தீங்க வந்துடிச்சு போலிருக்கே?”

“ஆமாம். சிலப்பதிகாரத்தோட நாவல் வடிவம். கிழக்கு பதிப்பகம் வெளியீடு”

 “மச்சம்தான் உங்களுக்கு. முதல் படமே சங்கர், மணிரத்னம், பாலச்சந்தர் படமா அமையற ஹீரோ மாதிரி முதல் புஸ்தகமே கிழக்கு பதிப்பகம் வழியா வருது”

 “பெருமையாத்தான் இருக்கு. மச்சம் மட்டும்தான் என்னுது. மிச்சம் நிறைய இருக்கு”

 “என்னது?”

 “நான் முதல்ல நன்றி சொல்ல வேண்டியது நம்ம நண்பர், பிளாக்கர் என். சொக்கன் அவர்களுக்கு”

 “யாரு, கிழக்கு பதிப்பகத்திலே ஏகப்பட்ட புஸ்தகங்கள் எழுதியிருக்காரே அவரா?”

 “அவரேதான்”

 “ஏன்?”

 “ஏணியில ஏறி உன்னதமான இடத்துக்கு வந்திருக்கிற அவர் ஏணியை எடுத்து கக்கத்தில இடுக்கிகிட்டு ஓடாம என்னையும் கை நீட்டி ஏத்தி விடணும்ன்னு நினைச்சாரே அதுக்கு”

 “ஏற்கனவே சொல்லியிருக்கீங்க”

 “இன்னும் நிறைய தடவை சொல்வேன். அவசரமான உலகம். போட்டி உலகம். அதுல இந்த மாதிரி மனசு இருக்கிறவங்களைப் பாக்கவே முடியாது. அவர்தான் என்னை ஒரு மாமனிதருக்கு அறிமுகம் பண்ணாரு”

 ”யாரு அந்த மாமனிதர்?”

 “கிழக்கு பதிப்பகத்தின் முதன்மை ஆசிரியர் திரு.பா.ராகவன்”

 ”அடேங்கப்பா, பா.ரா. வோட எல்லாம் பழக்கமா உங்களுக்கு?”

 “உண்மைல புஸ்தகம் வெளிவந்ததை விட பா.ரா. ஃபிரண்டுன்னு சொல்லிக்கிறதிலேதான் எனக்கு அதிகப் பெருமை. நான் சொன்னதும் என் நண்பர்கள், சொந்தக்காரங்க எல்லாம் பாராவா? பாராவா? ந்னு அதிர்ச்சிப் பைத்தியம் மாதிரி கேட்டுகிட்டே இருந்தாங்க”

 “பெரிய ஆளாச்சே… ரொம்ப ரிசர்வ்டா பழகுவாரோ?”

 “பா.ரா பத்தி சொல்றதுன்னா பாரா பாராவா எழுதலாம். ஒரே ஒரு பாரா சொல்றேன். பார்த்த உடனே பதினஞ்சு வருஷம் பழகின மாதிரி பேசறாரு. பெரிய எழுத்தாளர், தேசிய விருது வாங்கினவர், பத்திரிகைகள்ள எழுதறவர், சீரியல் சினிமாவுக்கெல்லாம் எழுதறவர்ன்னு ஒரு பந்தாவே கிடையாது. நான் எழுதறதை எல்லாம் நுணுக்கமா சுட்டிக்காட்டிப் பாராட்டினார்! அப்பதான் தெரிஞ்சது மணுஷன் இத்தனை நாளா நான் எழுதறதை எல்லாம் படிச்சிருக்கார்ன்னு! இந்த மாதிரி ஒருத்தர் நான் எழுதறதைப் படிக்கிறார்ங்கிறதே எனக்கு சாகித்ய அகாடமி வாங்கின மாதிரி இருந்தது. பாராட்டினதும் ஞானபீட விருது கிடைச்ச மாதிரி இருந்தது.”

 “உங்களை நல்லா கைட் பண்ணாரா?”

 “ஆமாம். ஆனா நறுக்குன்னு சுருக்கமா சொல்றார். அது ரொம்ப எஃபெக்டிவா இருக்கு. சில சமயம் கொஞ்சம் காரமா கூட சொல்வார். ஆனாலும் அது மொளகா பஜ்ஜி காரம் மாதிரி ரசனையா இருக்கும்”

 “உதாரணத்துக்கு?”

 “ஒரு கதாசிரியனோட ஸ்ட்ரெங்த்தே நேரேஷன் பண்ற சாமர்த்தியம்தான். நாம சொல்ல வர்ரதை நேரா சொல்லக் கூடாது. சொல்ற வாக்கியத்தைப் படிக்கிற போது சொல்ல நினைச்சது படிக்கிறவனுக்கு கம்யூனிகேட் ஆகணும்ன்னார்”

 “அப்படி ஒரு வாக்கியம் சொல்லுங்க?”

 “மழை பெய்யறப்போ ரெண்டு ரெண்டு தூறலுக்கு இடையில் பூந்து நனையாமயே வீட்டுக்கு வந்துட முடியும் அந்த ஆளாலே ந்னு சொன்னா உங்களுக்கு என்ன தோணும்?”

 “அந்தாளு ரொம்ப ஒல்லின்னு”

 “அதேதான் அவர் சொன்னது”

 “சூப்பரா சொல்லியிருக்காரே”

 “உனக்கே புரியுதுன்னா எவ்வளவு எஃபெக்டிவா சொல்றாருன்னு பாரு”

 “காலை வார்ரீங்க பாத்தீங்களா? ஏதோ காரம்ன்னீங்களே.. அது என்ன?”

 “விட மாட்டியே… இப்படி டிப்ளமேட்டிக்கா எழுதாத இடங்களைப் பத்தி ஒரு காமெண்ட் சொன்னாரு. அது சிக்ஸ் சிக்மால வர்ர வாய்ஸ் ஆஃப் கஸ்டமர் மாதிரி வெடுக்குன்னு இருந்தது”

 “அதான் என்னன்னு கேட்டேன்”

 “இந்த இடம் தினத்தந்தி தலைப்புச் செய்தி மாதிரி இருக்குன்னார்!”

 “பட்டப்பகலில் விபச்சாரம். அழகி கைது ங்கிற மாதிரியா?”

 “அடப்பாவி… அவரும் இதே உதாரணம்தான் சொன்னாரு”

 “இல்லையா பின்னே, குடிகாரனுக்கு வழி சொல்றவங்க டாஸ்மாக்கைத்தானே லேண்ட் மார்க்கா சொல்வாங்க”

 “ஏய்… இது கொஞ்சம் ஜாஸ்தி”

 “சரி.. சரி விடுங்க… அப்புறம்?”

 “அப்புறம் என்ன, கிழக்கு பத்ரி சார் எவ்வளவு பெரிய ஆள்…. அவர் நேரா வந்து ‘ஹாய்… ஐயாம் பத்ரி’ ந்னு சிம்ப்பிளா அறிமுகப்படுத்திகிட்டு கேஷுவலா ஒரு ஸ்டூல்ல உட்கார்ந்துகிட்டு பேசறாரு! அவர் ஒரு ஐஐடி ப்ராடக்ட். அதனாலே ஒரு எஞ்சினியர்ங்கிற வகைலயும் எனக்குப் பெருமையா இருந்தது”

 “சரி அதை விடுங்க. சிலப்பதிகாரம் இளங்கோ அடிகள் எழுதினது. அதை ரீ-மேக்தானே பண்ணியிருக்கீங்க?”

 ”இல்லை நிச்சயம் வித்யாசமா இருக்கும். அப்படி இல்லைன்னா கிழக்கு பதிப்பகம் பிரசுரமே பண்ண மாட்டாங்க”

 “என்ன வித்யாசம்?”

 “அதை நீ வாங்கிப் படிச்சிட்டு சொல்லு”

 “திட்டறதுக்காகவாவது வாங்கிப் படிப்பேன். அப்ப இனிமே உங்களை சிலப்பதிகார ஜவர்லால்ன்னு கூப்பிடற அளவுக்கு இருக்குமா?”

 “இல்லைன்னாலும் அப்படி கூப்பிடலாம். பொருத்தமாத்தான் இருக்கும்”

 “எப்படி?”

 “எப்பவும் என் இல்லத்தரசிதான் அதிகாரம் பண்ணுவாங்க. நான் அடங்கிப் போயிடுவேன். சிலப்ப நான் அதிகாரம் பண்ணுவேன். அதனாலே சிலப்ப அதிகார ஜவர்லால்ன்னு சொல்லலாம்”

 “என்ன கொடுமை சரவணன் இது. சரி…சரி… அது என்ன அதிகாரம் நீங்க சிலப்ப பண்றது?”

 “இந்த வீட்டில பாத்திரம் தேய்க்க மட்டும்தான் நான் இருக்கேனா? புடவைங்களையும் நாந்தான் துவைப்பேன்னு குரலை உசத்தி அதிகாரமா நான் சொன்னேன்னா அவங்க பெட்டிப் பாம்பா அடங்கிப் போயிடுவாங்க”

 “கொடுமை கொடுமைன்னு கோயிலுக்குப் போனா அங்க ரெண்டு கொடுமை அம்மணமா ஆடிச்சாம். முதல் கொடுமையோடவே நான் நிறுத்திகிட்டிருக்கணும். எனக்கு இது வேண்டியதுதான்”

விலை : ரூ.75/=

முகவரி : கிழக்கு பதிப்பகம்

எண்:33/15, எல்டாம்ஸ் சாலை

ஆழ்வார்பேட்டை –  சென்னை 600 018

தொலைபேசி : 044 – 43009701

வலைத்தளம் : www.nhm.in

இந்த நூல் பற்றிய வாசகர் விமர்சனங்கள் வரவேற்கப்படுகின்றன.

இளங்கோவின் உள்ட்டாதான் கோவலன்

தன்னுடைய கதாநாயகனுக்கு கோவலன் என்று இளங்கோ அடிகள் பெயர் சூட்டியதில் ஒரு உள்ளர்த்தம் இருக்கிறதோ என்று தோன்றுகிறது.

இளங் – கோ என்றால் இளவரசன். அவரோ துறவியானவர். அரசனாவதற்கு பதில் ஆண்டியானவர். அதாவது தலைகீழ்.

இளங் – கோ, கோ – இலன் ஆனார். (ங் ஈற்றெழுத்தாக வராது என்பதால் அதே ஓசை தரும் ன்)

கோ – இலன் என்றால் அரசனில்லை என்கிற பொருளும் வருகிறது. பெயரின் எழுத்துக்களைத் தலைகீழாக்கினால் பொருளும் தலை கீழாகிறது!

அலன், இலன் இரண்டுமே ஒரே பொருள் தரும் விகுதிகள்தான். ஆகவே கோ – அலன் என்றும் சொல்லலாம். கோ வும் அலனும் இணையும் போது கோவலன் ஆகிறது.
*********************************************************************************************************************************************************************************************************
கண்ணகி என்றால் என்ன அர்த்தம்?

கண் + நஹி கண்ணில்லை என்று அர்த்தமா?

நகை என்றால் சிரிப்பு. கண் நகி என்றால் கண்ணால் சிரிக்கிறவள் என்று அர்த்தம்.
*********************************************************************************************************************************************************************************************************
காலையில் சந்தித்த நண்பர்,

“சிலப்பதிகாரத்துக்கு உரை போட்டிருக்கிறேன், பாருங்கள்” என்று புத்தகத்தை நீட்டினார்.

அடேடே, இப்படிப்பட்ட தமிழ்ப் பண்டிதர் அருகிலேயே இருப்பது தெரியாமல் போய் விட்டதே என்று பிரித்துப் படித்தேன். வெறும் செய்யுள்தான் இருந்தது. உரை இல்லை.

“உரை இல்லையே?” என்றதற்கு,

“புத்தகத்துக்கு காக்கி கலரில் உறை போட்டிருக்கிறேனே, அதைச் சொன்னேன்” என்றார்.

நல்ல வேளையாக கி.வா.ஜ. உயிரோடு இல்லை!
******************************************************************************************************************************************************************************************************

மணிமேகலை என்கிற பெயரில் ஒரு பெரிய தத்துவம் இருக்கிறது.

 
Money-May-கலை, அதாவது செல்வம் நம்மை விட்டுக் கலைந்து போகலாம்.
 
இதைப் பார்த்து விட்டு சீத்தலை சாத்தனாரின் ஆவி என்னை தலையில் சாத்தியது என்றால் பார்க்கிறவர்கள்,
 
see, தலை சாத்தினார் என்பார்கள்.
********************************************************************************************************************************************************************************************************