ஜெயலலிதா

கிங் மேக்கரா குயின் மேக்கரா?

எதிர்க் கட்சிகள் அத்தனையும் ஒரே அணியில் கூடினாலும் அ. தி. மு. க மார்ஜினலாய் வெற்றி பெரும் சாத்தியங்களே உள்ளன.

ஆனால் காங்கிரஸோடு கூட்டணி அறிவித்ததன் மூலம் தி. மு. க, பா. ஜ. க வுக்குக் கதவை மூடி விட்டது. பா. ஜ. க மாத்திரம் இல்லை, ஜி. கே. வாசன் அண்ட் கோவுக்கும் பை சொன்னது போலத்தான் அது.

மக்கள் நலக் கூட்டணி என்று ஒன்றை அமைத்ததன் மூலம் தங்களுக்கு தி. மு. க, அ. தி. மு. க இரண்டும் ஒப்புதல் இல்லை என்று வை. கோ அண்ட் திருமா சொல்லி விட்டார்கள். கம்யூனிஸ்டுகளும் டிட்டோ.

பா. ம. க என்ன நினைப்பில் தனித்து நிற்கிறது என்றே தெரியவில்லை. எங்களுக்கு யார் தயவும் தேவை இல்லை என்று சற்று இரக்கம் உண்டாக்கும் தொனியில் அன்புமணி கூவுகிறார். யாருக்காவது அவர்கள் தயவு தேவையா என்பதையும் எண்ணிப் பார்ப்பது நல்லது.

ஒருக்கால் தி. மு. க வோடு கூட்டணியில் வேறு கட்சி இணையலாம் என்றால் அது தே. மு. தி. க மாத்திரமே.

தே. மு. தி. க வுக்குத் தான் எந்தப் பக்கம் போகிறோமோ அந்தப் பக்கம் வெற்றி பெறும் என்கிற நினைப்பு சர்வ உறுதியாக இருப்பது தெரிகிறது. அதனால்தான் கிங்கா, கிங் மேக்கரா என்றெல்லாம் பேச்சு! பிரேமலதாவே பேசிக் கொண்டிருப்பதைக் கேட்டால் அவர்கள் குயின் மேக்கராய்த்தான் ஆக முடியும் என்று தோன்றுகிறது. பண்ருட்டி இல்லாத தே. மு. தி. க வெறும் மூச்சு விடும் உடம்புதான். Brain Dead.

கிங்கா, கிங் மேக்கரா என்கிற மாதிரி பேராசைகள் இருந்தால் கூட்டணி ஏற்படாது.

கூட்டணி ஏற்படா விட்டால் லாபம் தே. மு. தி. கவுக்கு இல்லை. அ. தி. மு. க வுக்குத்தான். நஷ்டம் தி. மு. க வுக்கு இல்லை, மக்களுக்குத்தான்.

அ. தி. மு. க ஏன் மாற வேண்டும் என்று கேட்பவர்களுக்கு என் பதில், இம்முறை அவர்கள் தப்பும் செய்யவில்லை, ரைட்டும் செய்யவில்லை. தப்பு பண்ணால் கூடப் பரவாயில்லை, ஏதாவது செய்கிற அரசாங்கம் வேண்டும் என்று தோன்ற ஆரம்பித்து விட்டது மக்களுக்கு.

 

 

 

Advertisements

அ.தி.மு.க – தே.மு.தி.க – உள்ளாட்சித் தேர்தல்

உள்ளாட்சித் தேர்தலில் தே.மு.தி.க, அ.இ.அ.தி.மு.க கூட்டணி ஏற்படாதது கலாகாரின் ராஜதந்திரம் என்று எழுதுகிறார்கள்.

அவருக்கே இது ஆச்சரியமாக இருக்கும்.

எங்களைக் கூப்பிடவே இல்லை என்கிறது தே.மு.தி.க. அவர்கள் வரவே இல்லை என்கிறது அ.தி.மு.க. பட்டியலை முன்னாலேயே வெளியிட்டார்கள் என்கிறது தே.மு., திருத்திக் கொள்ளலாம் என்றோம் என்கிறார்கள் அ.தி., எப்படி முடியும் என்கிறது தே.மு.,

கொஞ்சம் கூர்ந்து பார்த்தால் இது வெறும் ஈகோ கிளாஷ்தான். நான் பெரிய கட்சி, சீனியர், ஆளும் கட்சி, நீதான் வந்து கேட்கணும் என்பது ஒரு பக்கத்து ஈகோ. நான் முன்ன மாதிரி இல்லை, இப்ப எதிர்க் கட்சி அந்தஸ்துல இருக்கேன், கொடுத்த இடம் பூரா ஜெயிச்சி காமிச்சேன், கூப்பிட்டாதான் என்ன என்பது இன்னொரு பக்கத்து ஈகோ. வெற்றி இரு சாராருக்கும் ஈகோவை வளர்த்து விட்டிருக்கிறது. எதிர்க்கட்சி மீடியாக்கள் லேசாக ஊதி விட்டார்கள்,

அய்யோ பத்திக்கிச்சு, பத்திக்கிச்சு!

கூட்டணி அவசியம் என்று இரண்டு சாராருமே சீரியஸாக முனையவில்லை என்பதே நிஜம்.

எதிர் அணியிலும் கூட்டணிகள் இல்லை என்றால், கொண்டாட்டம் ஆளும்கட்சிக்குத்தான். யாருடைய பலம் எவ்வளவு என்று தெரிந்து கொள்ள இது ஒரு நல்ல சந்தர்ப்பம்.

இன்னொன்றையும் கவனிக்க வேண்டும். இதர தேர்தல்களில் கட்சிக்குத்தான் ஓட்டு விழும். உள்ளாட்சித் தேர்தல்களில் வேட்பாளரின் இன்ஃப்ளுயன்ஸும் ஒரு ஃபேக்டர். எங்கள் வார்டில் (குரோம்பேட்டை, லக்‌ஷ்மிபுரம்) கட்சி வேறுபாடுகளுக்கு அப்பாற்பட்ட மக்கள் அபிமானத்தை தி.மு.க வைச் சேர்ந்த திரு. ஜெயக்குமார் பெற்றிருக்கிறார். என்னைத் தேர்ந்தெடுத்தால் அது செய்வேன், இது செய்வேன் என்று பேசுகிறவர்கள் மத்தியில் ஏகப்பட்ட நன்மைகள் செய்து விட்டு எனக்கு ஓட்டுப் போடுங்க என்று கேட்கிறார்! யாரைப் பார்த்தாலும் நம்மை முந்திக் கொண்டு தானாக ஒரு குழந்தைச் சிரிப்பும், வணக்கமும் தருவார். இது தேர்தலுக்கு மட்டுமில்லை, பொதுவாக எப்போதுமே!

பல இடங்களில், பல கட்சிகளில் இப்படிப்பட்ட நல்ல உள்ளங்கள் இருக்கும். அவர்கள் நிச்சயம் ஜெயிப்பார்கள்!

மீடியாவுக்கும் தேர்தல் ஆணையத்துக்கும் வெற்றி!

திருமங்கலம் இடைத்தேர்தல் முடிவு வருவதற்கு முன்னாலே ஒரு பிளாக்கர்,

 பொதுத் தேர்தலையே பொங்கல் வைக்கும் ஆளும்கட்சிக்கு

இடைத் தேர்தல் எல்லாம் வடை

 என்று குறள் எழுதியிருந்தார். திருமங்கலம் மாடல் என்று ஒரு ஃப்ரேஸே வழக்குக்கு வந்து விட்டது. இதை மனதில் கொண்டு பார்க்கும் போது தேர்தல் ஆணையத்தின் சாதனை பிரமிப்பூட்டுகிறது. இவ்வளவு அமைதியாகவும், நேர்மையாகவும் தேர்தல் நடந்ததால்தான் தீர்ப்பு தெளிவாக இருக்கிறது.

 ஆகவே நமது முதல் பாராட்டு தேர்தல் ஆணையத்திற்கு!

 அடுத்தது மீடியா.

 2ஜி மேட்சில், ஓப்பனிங் பவுலராக ஒன்றிரண்டு மெய்டன் ஓவர்கள்தான் போட்டார் ஜெயலலிதா. ஆனால் ஆங்கில தனியார் சேனல்கள் அனைத்தும் அதிரடி பவுலிங்கைத் தொடர்ந்து ஏகப்பட்ட விக்கட்டுகளை வீழ்த்தினார்கள், இப்போது மேட்சில் ஜெயித்தும் ஆகிவிட்டது!

 நிச்சயமாக 2ஜி ஒரு டாமினண்ட் ஃபேக்டர்.

 கூடவே அனுகூலச் சத்துருக்கள் இருந்ததால் அஜித், விஜய் இரண்டு பேரையும் முறைத்துக் கொண்டார்கள். சினிமா டாமினன்ஸில் சில்லரை வந்தது, ஆனால் கூடவே ரசிகர்களின் வெறுப்பும் வந்தது.

 புது ஆட்சியாளர்கள், போனவர்களிடம் இரண்டு பாடங்கள் கற்றாக வேண்டும்.

 ஊழல் செய்தால் தூக்கி எறியப்படுவோம் என்பது முதல் பாடம். குடும்ப அரசியலை மக்கள் விரும்பவில்லை என்பது இரண்டாம் பாடம்.

வந்தாச்சு.. தேர்தல் முடிவுகள் வந்தாச்சு!

போன வாரம் ஹெட்லைன்ஸ் டுடே வெளியிட்ட கருத்துக் கணிப்பு முடிவுகளில் திமுக கூட்டணி 120 இடமும் அதிமுக கூட்டணி 105 இடமும் இருந்தன.

 நேற்று சிஎன்என் ஐபிஎன் வெளியிட்ட முடிவுகள் அதற்கு நேர் எதிரிடையாக இருந்தன. ந்யூஸ் எக்ஸ் (சேர்த்துச் சொன்னால் அர்த்தம் வில்லங்கமாக இருக்கும்!) அதிமுக கூட்டணி 172 இடம் பிடித்து ஸ்வீப் செய்யும் என்றார்கள். ஸ்டார் ஹிந்தி சேனல் திமுக வுக்கு தனிப் பெரும்பான்மை என்றது.

 ஆக மொத்தம் வாநிலை அறிக்கை மாதிரி எல்லா மாதிரியும் சொல்லி விட்டார்கள்!

 எல்லாரும் ஒத்துக் கொண்ட இரண்டு விஷயங்கள் காங்கிரஸ் ஒற்றை இலக்கத்தைத் தாண்டாது, திமுக இப்போது இருப்பதை விட மிகக் குறைவான எண்ணிக்கைகளை மட்டுமே பெற முடியும்.

 2ஜி, குடும்ப அரசியல், விலைவாசி உயர்வு, மின்வெட்டு, ஓட்டுக்குப் பணம் இத்தனை ஃபேக்டர்களைத் தாண்டி, தேர்தல் கமிஷனின் அதிரடிகளைத் தாண்டி, விஜயகாந்த்-ஜெயலலிதா என்கிற பலம் வாய்ந்த கூட்டணியைத் தாண்டி,

 திமுக 100 இடம் பிடிக்கிறது என்றால், அது ஏறக்குறைய வெற்றி மாதிரிதான்! நிஜ முடிவுகள் என்ன சொல்லப் போகின்றன என்று பார்ப்போம்.

 கருத்துக் கணிப்புகளில் நிறைய டிரா பேக்குகள் உண்டு.

 எல்லாரும் அவர்கள் ஆசைப் படுவதைச் சொல்வார்களே ஒழிய, ஆய்ந்ததைச் சொல்வதில்லை. இந்த சாம்ப்பிள் அளவு சரியா என்று சிக்ஸ் சிக்மா ஆசாமியான என்னைக் கேட்டால், ம்ம்ஹூம்! இரண்டு கோடிக்கும் அதிகமான வாக்காளர்கள் இருக்கும் இடத்தில் நாலாயிரத்திச் சில்லரை வாக்காளர்களின் கருத்து சரியாக இருக்க ஆயிரத்தில் ஒரு பிராபபிலிட்டிதான் இருக்கிறது. 234 தொகுதிகள் இருக்கும் இடத்தில் 70 தொகுதிகளைக் கேட்டால் முப்பது சதவீதத்துக்கும் குறைவான பிராபபிலிட்டியே இருக்கிறது.

 எல்லா கருத்துக் கணிப்புகளிலும் இப்படியும் இல்லாமல் அப்படியும் இல்லாமல் இருக்கும் கருத்துக்கள் 40% க்கு அதிகமாக இருக்கும். கோமதியின் காதலன் கதையில் வரும் பிரணதார்த்தி ஹர அய்யர் மாதிரி, தங்களுக்குப் பிடித்த முடிவு வரும் வரைக்கும் கணிப்பு செய்து கொண்டே இருக்கிறார்கள். வரும்போது நிறுத்தி விடுகிறார்கள்.

 அம்மா ஜெயிக்கும் சாத்தியக் கூறுகள் அதிகம். ஆனால், ராமதாஸ் இடுப்பில் கட்டிக் கொண்ட பூனை என்றால் கேப்டன் வேட்டியில் புகுந்த ஓணான்.

 எப்படி சமாளிக்கிறார் பார்க்கலாம்!

சின்னப்புள்ளதனமா சில காமெண்ட்ஸ்-2

ஆனந்த விகடன் 29-12-2010 இதழில் பெரிய மனிஷங்க சொன்ன சில காமெண்ட்ஸ் போட்டிருந்தாங்க. நம்ம வாய் சும்மா இருக்க மாட்டேங்குது. சின்னப்புள்ளதனமா சில காமெண்ட்ஸ் அடிக்கணும் போல இருந்தது.

சும்மா தமாஷ்தாங்க, சம்பந்தப்பட்ட பெரியவங்களும் அவங்க தொண்டர்களும் டென்ஷன் ஆக வேணாம்!

நீங்க தி.மு.க. இல்லைங்களா மேடம்?

எங்களுக்குக் கூட விஜய்யைத் தெரியும், எஸ்.ஏ.சந்திரசேகரைத் தெரியாதுங்க!

உங்க உள்கட்சி விவகாரங்கள்ளேயே எப்பவும் பிஸியா இருக்கிறதாலே அதுக்கெல்லாம் நேரமிருக்காது!

அட! அவர் தானாவே முன்வந்து ராஜினாமா பண்ணல்லைங்கிறதை எவ்வளவு நாசூக்கா சொல்லிட்டீங்க!

அப்படிக் கருதாம கேட்கலாம்ங்களா?

சின்னப்புள்ளதனமா சில காமெண்ட்ஸ்

இந்த வார ஆனந்த விகடனில் பெரியவங்க சில பேர் பேசின சில விஷயங்களைப் படிச்சேன். அதைப் படிக்கிற போது சின்னப்புள்ளதனமா சில காமெண்ட்ஸ் அடிக்கணும் போல ஆசையா இருந்தது.

சம்பந்தப்பட்டவங்களும், அவங்க தொண்டர்களும் மன்னிக்கணும். என் காமென்ட்ஸ் நகைச்சுவைக்காகச் சொல்லப்பட்டவையே…….

நக்சலைட்டுன்னா அது ஒரு வகை லைட்டுன்னு நினைச்சிட்டாரோ?

 

அது சரி… உங்களுக்குக் கவலை இல்லை. காங்கிரஸ்தானே ஆளும்கட்சி!

 

ஒவ்வொருவருக்கும் இரண்டு மூன்று மரணம் உண்டுன்னா வேறே மாதிரி அப்ரோச் பண்ணுவாங்களோ?

 

கவலையை விடுங்க.. இன்னும் ரெண்டு மூணு தேர்தல் போச்சுன்னா உங்களுக்கு யானை பலம் வந்துடும்!

 

கரெக்ட்.. கரெக்ட்.. மக்கள் முழிச்சிகிட்டு இருந்தா வீணா தொந்தரவு.. ஏதாவது கேட்டுகிட்டே இருப்பாங்க!