பொறியியல்

மின்சாரமும் சம்சாரமும்

பொறியியல் தத்துவங்களிலிருந்து நிறைய வாழ்க்கைத் தத்துவங்கள் படிக்கலாம்.

காதல் எல்லாருக்கும் பிடிக்கும் என்பதால் அங்கிருந்து தொடங்கலாம்.

Like poles repel, opposite poles attract. இந்த ஆப்போஸிட் போல்களின் இடையில் நிலவும் ஈர்ப்பு விசைதான் காதல். துருவங்கள் இனைந்து விட்டால் பிறகு ஈர்ப்பு விசை இருக்காது. அது போலவே காதலும் தள்ளி இருக்கிற வரை இருக்கும். இணைந்தால் காலியாகிவிடும்.

ஒரு செப்புக் கம்பி நேராக இருக்கும் போது வெறும் மின் கடத்தி. ஆனால் அதை வளைத்துக் கம்பிச் சுருள் ஆக்கினால் என்னென்னமோ செய்யலாம். நீதி, விறைத்துக் கொண்டு நேராக இருப்பதை விட வளைந்து வளைந்து போவது நம் ஆளுமையை அதிகரிக்கும்.

Potential Difference இருந்தால்தான் மின்சாரம் பாயும். அதுவும் அதிக அழுத்தத்திலிருந்து குறைந்த அழுத்தத்திற்கு. கற்க வேண்டுமானால் Low profile maintain செய்ய வேண்டும். விறைத்தால் கற்க முடியாது. வாலறிவன் நள்ளாள் தொழாஅர் எனின் என்று வள்ளுவர் சொன்னதும் இதுவே. மிகுந்த அறிவுடையவர்களைக் கண்டால் பணியுங்கள்.

மின்சாரத்தைக் கடத்த மறுத்து ரெஸிஸ்டர் ஆக இருக்கும் பொருட்கள் என்ன ஆகின்றன? தாங்கள் சூடாகின்றன. இப்படிச் சூடும், குளிர்ச்சியுமாக மாறி மாறி ஏற்பட்டு இறுதியில் Fatigue Failure ஆகின்றன. நமக்கும் விரோதங்களால் இதுவே நேரும். நாம்தான் சூடாவோம். கண்டக்டர் போல (பஸ் கண்டக்டர் இல்லை) வருவனவற்றைத் தேக்காமல் கடத்தி வைத்தால் மின்னோட்டம் போல நட்பும் உறவும் இனிதே தொடரும்.

இப்போதைக்கு இவ்வளவு போதும். இன்னும் சில தத்துவங்களைப் பிறகு பார்ப்போம்.

Advertisements

மண்பானையிலிருந்து கொஞ்சம் எஞ்சிநியரிங்

நாகப்பட்டினத்தின் பல உற்சாகங்களில் நெல்லுக்கடை மாரியம்மன் கோவிலின் செடில் உற்சவமும் ஒன்று.

திருவிழாக் கடைகளில் அப்போதெல்லாம் கல்சட்டிக் கடைகள், பானைக் கடைகள் எல்லாம் இருக்கும். இப்போதும் இருக்கின்றனவா என்று நாகப்பட்டினத்தின் தற்காலச் சோழர்கள் சொல்லலாம்.

முக்கால் ரூபாய்க்கு நல்ல பதினைந்து லிட்டர் கொள்ளளவு இருக்கும் பானை கிடைக்கும். ஏறக்குறைய எல்லார் வீட்டிலும் ஒன்று வாங்கி வைத்து தண்ணீர் நிரப்பிக் கொண்டே இருப்பார்கள். மொண்டு மொண்டு சட்டை நனைய குடித்துக் கொண்டே இருப்போம்.

முக்கால் ரூபாய்ப் பானையில் முனைவர் பட்டம் பெறும் அளவுக்கு ஆராய விஷயம் இருப்பது அந்தக் காலத்தில் எனக்குத் தெரியாது. பானை கிடைக்காத காலத்தில் நிறைய சிந்தனை வருகிறது.

முதல் விஷயம் பானையை ஒரு மூலையில் மணல் குவித்து அதன் மேல்தான் வைப்பார்கள். இந்த மணற் குவியலில் ஒரு தாத்பர்யம் இருக்கிறது. அது வெறும் ஸ்டாண்ட் அல்ல. அது ஒரு பர்ஃபார்மன்ஸ் இண்டிகேட்டர். என்ன பர்ஃபார்மன்ஸ் என்று சொல்ல வேண்டுமானால் பானை வேலை செய்யும் விதத்தை முதலில் சொல்லியாக வேண்டும்.

பானை என்ன பெரிய்ய்ய சிங்க்கோ ஹைவேக் வேக்யும் பம்ப்பா, எப்படி வேலை செய்கிறது என்று படம் போட்டு விளக்க? என்று நீங்கள் நினைக்கலாம்.

பானைக்குள் இருக்கும் தண்ணீர் அதிலிருக்கும் நுண் துளைகள் வழியாக வெளியேறிக் கொண்டிருக்கும். (வெளியேறும் என்றால் கொட கொடவென்று டீக்கடையில் டிக்காஷன் ஊற்றுவது போல் அல்ல) அது ஒரு விதமான ஊஸிங் ஔட். பானையை ஒரு மெகா மைக்ரோ ஃபில்ட்டருக்கு ஒப்பிடலாம். ஃபில்ட்டர் என்றாலே அழுத்த மாறுபாடு இருக்கும். டிராப் எக்ராஸ் ஃபில்ட்டர் என்கிற பிரயோகம் கேள்விப்பட்டிருப்பீர்கள்.

தண்ணீர் மட்டுமல்ல, எல்லா திரவங்களுமே குறிப்பிட்ட உஷ்ணநிலையில் குறிப்பிட்ட வேப்பர் பிரஷரில் இருந்தே தீரும். குறைந்தால் ஆவியாகி அதை சரிக்கட்டிக் கொள்ளும். இது திரவங்களின் இயற்கைத் தன்மை.

வெளியேறிய தண்ணீர் உள்ளிருக்கும் தண்ணீரை விட அழுத்தம் குறைவாக இருப்பதால் அதன் வேப்பர் பிரஷரும் குறைவாகியிருக்கும். ஒவ்வொரு வேப்பர் பிரஷருக்கும் ஒரு உஷ்ணநிலை உண்டு என்பதால் வேப்பர் பிரஷர் குறையும் போது உஷ்ணநிலையும் குறையும். அதாவது, பானைக்குள் இருக்கும் நீரை விட வெளியேறிய நீர் குறைந்த உஷ்ணநிலைக்கு வந்திருக்கும். மேலும் இது ஒரு எக்ஸ்பான்ஷன் பிராஸஸ் என்பதால் விரிவடைந்து ஆவி நிலையில் இருக்கும்.

மேற்கத்தியர்கள் சார்ட் என்பதால் ஆம்பியண்ட் பிரஷரில் 20 டிகிரி இருக்கிறது.

 இந்தக் குளிர்ந்த ஆவி வெளிக்காற்றில் இருக்கும் நீராவியைக் குளிப்பித்து சின்னச் சின்ன குளிர்ந்த நீர்த் திவலைகளை பானையின் வெளிப்புறம் உண்டாக்கும். இதனால் உண்டாகும் லேயர் ஒரு இன்ஸுலேட்டராக செயல்படுவதுடன், பானைக்குள்ளிருக்கும் நீரைக் குளிர்ப்பிக்கவும் செய்யும். அழுத்த மாறுபாட்டின் கரணமாக அடுத்தடுத்து உள்ளிருந்து ஊஸிங் ஔட் ஆகிக் கொண்டே இருக்கும். ஏற்கனவே இருக்கும் திவலைகள் வழிந்தோடி கீழே கொட்டி வைத்திருக்கும் மண்ணை ஈரமாக்கும்.

 நீரின் கடினத் தன்மையைப் பொறுத்து கொஞ்ச காலத்தில் நுண் துளைகள் மெல்ல அடைபட்டுக் கொண்டே வரும். அப்படி ஆகிற போது கொட்டி வைத்திருக்கும் மண் ஈரமில்லாமல் தொடர்ந்து உலர்ந்தே இருக்கும். அப்போது பானையை மாற்றியே ஆக வேண்டும்.

 மெம்ப்ரைன் ஃபில்ட்டர்கள் வருவதற்கு இதுதான் முன்னோடியாக இருந்திருக்கும் என்பது என் துணிவு.

 இப்போது தெர்மல் எஞ்சிநியர்கள் சண்டைக்கு வரலாம்; கம் ஆன்………

பிளஸ் டூவுக்கு அப்புறம் என்ன?

யாரைக் கேட்டாலும் டாக்டர், எஞ்சிநியர்தான்.

வேறு ஏதாவது படிக்க வைப்பது கலாச்சார இழுக்கு என்று நினைக்கிறார்கள். அட மார்க் கொஞ்சம் கம்மியான குழந்தைகளையாவது விட்டார்களா? பார்க்கிறவர்களை எல்லாம் கடன் கேட்டுக் கொண்டிருக்கிறார்கள், மேனேஜ்மெண்ட் சீட் பிடிக்க.

என்ன படிப்பது என்பதை குழந்தைகளின் தகுதி அடிப்படையில் முடிவு செய்யாததால் எஞ்சிநியரிங்கிலும், டாக்டர் தொழிலிலும் இன்காம்பீடன்ஸ் அதிகமாகி வருகிறது. ரத்தத்தில் ஈஸனோஃபில்ஸ் அதிகமாக இருந்தால் உடனே ஆஸ்பத்திரியில் அட்மிட் ஆகு என்கிறார்கள். லிம்ஃபோசைட்ஸ் நாற்பது சதவீதம் இருக்கும் போது ஒன்றும் பிரச்சினை இல்லை, ஹெபடோகுளோபின் சாப்பிடு ஒரு வாரத்தில சரியாய்டும் என்கிறார்கள். சின்ன பிரச்சினைக்காகப் போனால் எலெக்ட்ரோ கார்டியோ கிராஃப் வரை எல்லா டெஸ்டும் செய்துவிட்டு கடைசியில் தப்பாக டயக்னாஸ் செய்கிறார்கள்.

எஞ்சிநியர்கள் லட்சணமும் இப்படித்தான்.

பம்ப் ஆகவில்லை என்றதுமே அக்கக்காய் கழற்றிப் போட்டு என்.பி.எஸ்.ஹெச் ப்ராப்ளம் என்கிறார்கள். ரொடேஷன் தப்புய்யா, அதைப் பாக்கலையா என்றால் டைரக்‌ஷன் மார்க் பண்ணலையே என்கிறார்கள். புதுசாக சேர்ந்த ஒரு எஞ்சிநியர் அஸெம்பிள் செய்த வண்டியில் ரொம்ப நேரமாக ஏதோ தேடிக் கொண்டிருந்தான். என்ன தேடறே என்றதற்கு, கார்புரெட்டர் என்றான். இது டீஸல் எஞ்சின்ய்யா என்று சொன்னாலும் அதனால என்ன என்கிற மாதிரி பார்க்கிறான்.

டீக்கடைகளை விட எஞ்சிநியரிங் காலேஜ்கள் அதிகம்!

போன வருஷம் 52,000 சீட்கள் ஃபில் அப் ஆகாமலே இருந்தனவாம்.

இவ்வளவு எஞ்சிநியர்களை வைத்துக் கொண்டு என்ன செய்வது? அப்பளம், ஊறுகாய், ஊதுபத்தி கம்பெனிக்காரர்கள் கூட ‘A good degree in engineering. Post graduation desirable but not essential’ என்று விளம்பரம் செய்ய ஆரம்பித்து விட்டார்கள். ‘என் பிள்ளை எஞ்சிநியர்’ என்று சொல்லும் போது ஒரு காலத்தில் சமூகம் அண்ணாந்து பார்த்தது. இப்போது,

‘அப்பிடியா, எங்க வீட்டு தோட்டக்காரன் புள்ளை கூட எஞ்சிநியர்தான்’ என்கிறார்கள்.

எஸ்.எஸ்.எல்.சி இப்படித்தான் இருந்தது. எஸ்.எஸ்.எல்.சி முடித்தால் வேலைக்குப் போய் விடலாம் என்று இருந்தது. ‘என்னடா இது, எஸ்.எஸ்.எல்.சி படிச்சிட்டு காப்பி ஆத்திகிட்டு இருக்கே?’ என்று கேட்பார்கள். இன்றைக்கு எஸ்.எஸ்.எல்.சி க்கு பியூன் வேலை கூடக் கிடையாது.

பி.ஈ., எம்.எஸ்., டாக்டரேட் எல்லாம் முடித்துவிட்டு பல்பொடி கம்பெனியில் புரட்ஷன் அஸிஸ்டண்ட்டாக வேலை பார்க்கிற காலம் அதிக தூரத்தில் இல்லை.

விவேக் காமெடியிலிருந்து கொஞ்சம் பொறியியல்

“ஏண்டா, வண்டிக்குள்ளே 730 ஸ்பேர் பார்ட்ஸ் இருக்கு. அதெல்லாம் வண்டியை நல்லா ஓட்டாது இந்த அம்பது பைசா எலுமிச்சம் பழம்தான் ஓட்டுமா?” என்று மூட நம்பிக்கையை கேலி செய்கிற விவேக் காமெடி பார்த்திருப்பீர்கள்.

assemble செய்யப்பட்டவை ஸ்பேர் பார்ட்டுகள் அல்ல. அவை பார்ட்டுகள்தான்.

அவை பழுதானால் மாற்றுவதற்காக வெளியே சேமித்து வைக்கப் பட்டிருப்பவையே ஸ்பேர் பார்ட்டுகள். அவற்றையும் assemble செய்து விட்டால் ஸ்பேர் பார்ட்ஸ் என்று அழைக்கக் கூடாது.

அதே போல பிரேக் பிடிக்காத தண்ணி லாரி என்று அடிக்கடி விவேக் சொல்வதுண்டு.

தண்ணீர் லாரிகள் பிரேக் பிடிக்காமல் இல்லை.

திரவங்களை ஏற்றிச் செல்லும் போது சடக்கென்று பிரேக் போடக் கூடாது.

அப்படிப் போட்டால் ஏற்படும்  Hydraulic  விசையில் லாரி அசுர ஆட்டம் கண்டு கவிழ்ந்து விடும் அபாயம் இருக்கிறது. அதனால் திரவ லோட் ஏற்றிய லாரி டிரைவர்கள் மிகக் கவனமாக வேகம் குறைத்து மெல்லத்தான் பிரேக் போடுவார்கள்.